„Plattfunk “, den plattdüütsch-hochdüütschen Dialog-Podcast, finnt ji ok hier (un könnt ji ok abonneren):

Plattfunk 17. Folg: Snack mit Daniel Günther, Ministerpräsident vun Sleswig-Holsteen

För düsse ni’e Folg von Plattfunk harrn wi den Ministerpräsidenten vun Sleswig-Holsteen, Daniel Günther, to Gast. He hett uns vertellt, wat för Musik he höört, wat sien persönliche Betog to Plattdüütsch is, man ok, wat de Politik för Platt in Sleswig-Holsteen deit un wat för en Rull Platt na sien Menen speelt.

Plattfunk 16. Folg: Businessplatt, Kanzleispraak – över Middelnedderdüütsch

Düsse Folg vun „Plattfunk“ is mal wedder en Blick torüch in de Spraakgeschicht vun Plattdüütsch. Düt Mal geiht dat üm de Tiet, as de Hanse ehr Hoochtiet harr un Middelnedderdüütsch nich blot in Noorddüütschland, man ok in London un Nowgorod en bedüdende Rull speelt hett.

Plattfunk 15. Folg: Ole Frünnen, ni’e Films – Wat gifft’t Ni’et in Theater un Kino?

Düt Mal geiht dat üm twee Saken, de een nu wedder maken kann: in’t Theater gahn un in’t Kino. Thorsten Börnsen un Nikos Saul snackt över de Ohnsorg-Kummedie „Laat uns Frünnen blieven!“, över aktuelle Films un wat een sünst noch in’t Kino beleven kann.

Plattfunk 14. Folg: En ni’et Leven un en Halligdrama

Düsse Folg is nich blot de eerste Plattfunkfolg, in de dat üm plattdüütsche Hörspelen geiht („Tiedenwessel“ vun Klaus Goldinger un „Selma“ vun Heinke Hannig), se is ok en Experiment: Düt Mal is „Plattfunk“ en Podcast heel un deel op Platt. Schrievt uns gern, wo ji dat finnen doot.

Plattfunk 13. Folg: Wat is egentlich Missingsch?

Düt Mal snackt Thorsten Börnsen un Nikos Saul bi „Plattfunk“ över Spraakreisen na Meißen, Sik-dick-Doon mit Missingsch, un Gedichten vun Sibylla Schwarz, de vör 400 Johren in Griepswold op de Welt kamen is.

Plattfunk 12. Folg: Tante Meier un de Franzosentiet in Hamborg

Düt Mal geiht „Plattfunk“ tweehunnert Johr in de Geschicht vun de plattdüütsche Spraak un vun Noorddüütschland trüch. Thorsten Börnsen un Nikos Saul snackt över de Franzosentiet in Hamborg un vertellt, wo franzöösche Wöör in’t Plattdüütsche kamen sünd un wat för en Geschicht achter den Begreep „Tante Meier“ stickt.

Plattfunk 11. Folg: De Flow vun Plattdüütsch (Sonderutgaav 2. Deel)

Düsse Folg is nu de tweete Folg vun de Plattfunk-Sonderutgaav. Thorsten Börnsen un Nikos Saul snackt över de „Wi künnt ok anners“-Reeg vun’t Nedderdüütschzentrum Mölln un stellt enkelte Lüüd vör. Düt Mal geiht dat üm den Plattrapper LPP 143, de Museumsbaas Holger Junker un den plattdüütschen Comedian Jens Wagner.

Plattfunk 10. Folg: Libellen op Platt un to veel Böker (Sonderutgaav 1. Deel)

Düsse Folg is nich blot de eerste vun „Plattfunk“, de över Distanz un online opnahmen is, man ok de eerste Deel vun en Sonderutgaav. Thorsten Börnsen un Nikos Saul snackt över de „Wi künnt ok anners“-Reeg vun’t Nedderdüütschzentrum Mölln un stellt enkelte Lüüd vör. Düt Mal geiht dat üm den Dertenfilmer Joachim Hinz un den Bökersammler Gerd Richert.

Plattfunk 9. Folg: Glamper in Malente, E-Bikes in Niestrelitz

Düt Mal geiht dat bi „Plattfunk “ nich blot üm de Frag, wat een op den Campingplatz in Malente-Gremsmühlen so beleven kann, man ok üm gefährliche Trends ünner Fohrradfohrers un op wat een bi en Reis na Auerk achten schull, kort: üm Reisen in Coronatieden.

Plattfunk 8. Folg: Vun Däänmark na de Unendlichkeit –  Över Films un Serien

Nu, wo de Harvst kamen un dat buten koolt worrn is, is en gode Tiet för Films un Serien. In de achte Folg vun „Plattfunk – De Podcast op Hooch- un Plattdüütsch“ snackt Thorsten Börnsen un Nikos Saul över twee Serien („Borgen“ un „Die Wege des Herrn“) un twee Films („Über die Unendlichkeit“ un „Futur Drei“) un vertellt, worüm sik dat lohnt, de sik antokieken.

Plattfunk 7. Folg: Vun Müüs un Schaap un Minschen Plattdüütsche Kinnerböker

In de ni’e Folg vun „Plattfunk – De Podcast op Hooch- un Plattdüütsch“ geiht dat üm veer plattdüütsche Kinnerböker: „Mann, wo scheun is Panama“ vun Janosch, översett vun Arnd Immo Richter; „Okes Skifohrt“ vun Elsa Beskow, översett vun Margrit Hansen; „Lindbergh op Platt“ vun Torben Kuhlmann, översett vun Reinhard Goltz; un „Mäh! Maa! Möh! Versteihst?“ vun Anke Ortlieb. Thorsten Börnsen un Nikos Saul snackt ok över Kinnerböker allgemeen un ehr Bedüden för Plattdüütsch.

Plattfunk 6. Folg: Vun Autodisco bit Onlinetheater Kultur in de Tiet vun Corona

Thorsten Börnsen un Nikos Saul snackt düt Mal över Autodisco un Autokino, Theateropteken un Online-Literaturfestivals – kort: Kultur in de Tiet vun Corona.

Plattfunk 5. Folg: Bob Dylan singt, de Papsten danzt – Filmspezial

De foffte Folg vun „Plattfunk – De Podcast op Hooch- un Plattdüütsch“ is al to en Tiet opnahmen worrn, as een noch in’t Kino gahn kunn. Man Thorsten Börnsen un Nikos Saul snackt hier nich blot över Kinofilme, man ok över solke, de een in’t Internet ankieken kann, över Bob Dylan, Immen un den Paapst. Un Kinos maakt ja ok bald wedder op.

Plattfunk 4. Folg: Dat eerste Mal Ohnsorg un en Bohrer to’n Pedden

Düt Mal snackt Thorsten Börnsen un Nikos Saul nich blot över Besöken bi’t Ohnsorg-Theater, man ok över Eutin in’n Regen, dat Willy-Brandt-Museum in Lübeck un de Inrichten vun ole Dithmarscher Ladens.

Plattfunk 3. Folg: En Lüchttorn un en Ünnergang

De ni’este Folg vun „Plattfunk – De Podcast op Hooch- un Plattdüütsch“ is en Kulturfolg. Thorsten Börnsen und Nikos Saul snackt över en Horrofilm mit Lüchttornwärters un dat Book „Mittagsstunde“ vun Dörte Hansen.

Plattfunk 2. Folg: Musikopnahmen in’n Vakantiepark

Üm nedderdüütsche Musikopnahmen in en hollandschen Vakantiepark und dat Projekt „Platt Together“ geiht dat in de twete Utgaav vun „Plattfunk – De Podcast op Hooch- un Plattdüütsch“.

Plattfunk 1. Folg: Italienreis mit Faröerisch

Wat een bi dat „SUNS“-Festival in Italien so beleven kann, vertellt Thorsten Börnsen und Nikos Saul in de eerste Folg vun den „Plattfunk“-Podcast.

Imagefilm

Missingsch-Film

Veranstaltungen

Noord Noord Oost: Liederatur up Platt

30. Oktober 2022 @ 16:00 - 18:00

Noord Noord Oost: Leder un Musik up Platt

21. Oktober 2022 @ 18:00 - 21:00

Nie’es

Nach oben